बुटवल । बुटवल उपमहानगरपालिका वडा नं. ११ मा रहेको नेपाल अपाङ आश्रमलाई तिलोत्तमा एक व्यक्तिले नगद सहयोग गर्नुभएको छ ।
विगत २४ बर्ष देखि बेलायतमा रोजगारीको सिलसिलामा बस्दै आउनुभएको तिलोत्तमा नगरपालिका वडा नं. ८ का यदुलाल पौडेलले आश्रमलाई नगद १ लाख २० हजार ३ सय रुपैया सहयोग गर्नुभएको हो ।
दशैपछि बेलायत पुग्नुभएको उहाले त्यहाँ रहेका नेपालीहरु संग उठाएको रकम आश्रमलाई आईतबार एक कार्यक्रमका बीच हस्तान्तरण गर्नुभयो । उक्त रकम आश्रमका अध्यक्ष डोल बहादुर रामदामलाई यदुलाल पौडेल र उहाका छोरा सुनिल पौडेलले संयुक्त रुपमा हस्तान्तरण गर्नुभएको हो ।
आश्रमको अवस्था देखेपछि बेलायतमा रहेका नेपालीहरुबाट रकम उठाएर आश्रमलाई सहयोग गर्न पाएकोमा उहाले आफु हर्षित भएको र आगामी दिनमा पनि अझ बढि सहयोग गर्ने बताउनुभयो ।
केही बर्ष अघि मणिग्रामको आत्मशान्ति अनाथ आश्रमलाई १ लाख ७७ हजार रुपैया सहयोग गरेका यदुलाल पौडेलले आश्रममा हस्तान्तरण गरेको रकम पारदर्शीताका साथ खर्च गर्न आग्रह समेत गर्नुभयो ।
आश्रममा अध्यक्ष डोल बहादुर रामदामले आश्रमलाई सहयोग गरेको रकम अक्षयकोषमा राख्ने बताउनुभयो । आश्रममा ३१ जना विभिन्न अपाङगता भएका बालबालिकाहरु रहेका छन् ।
प्रतिक्रिया