काठमाडौं । १४औं महाधिवेशनबाट सभापतिमा निर्वाचित शेरबहादुर देउवा नेतृत्वको समूहले नेपाली कांग्रेसभित्र समानान्तर गतिविधि पुनः सुरु गर्न थालेको छ ।
देउवा समुहले महाधिवेशनबाट निर्वाचित केन्द्रीय कार्यसम्पादन समितिको बैठक बोलाएको हो । सो बैठकमा यसअघि कारवाहीमा परेका गगन थापा र विश्वप्रकाश शर्मालाई भने बोलाइएन ।
पार्टीमा दुई वटा केन्द्रीय कमिटीका गतिविधि देखिन थालेपछि कांग्रेसभित्रको विवाद पुनः सतहमा आएको छ । पार्टीको विशेष महाधिवेशनबाट निर्वाचित केन्द्रीय कार्यसमितिको बैठक सानेपामा चलिरहेको छ । यही बेला देउवा पक्षले छुट्टै भेला आयोजना गरेको हो।
बैठकमा सहभागी नेता मिन विश्वकर्माका अनुसार कांग्रेस नेतृत्वसम्बन्धी मुद्दा अदालतमा विचाराधीन रहेकाले अन्तिम फैसला नआएसम्म समानान्तर गतिविधि जारी राखिने निर्णय गरिएको छ।
यस्तै, केन्द्रीय समितिको बैठक बोलाउने मिति तय गर्ने जिम्मेवारी पूर्णबहादुर खड्कालाई दिइएको विश्वकर्माले जानकारी दिए। खड्काले पार्टीका नेताहरुसँग परामर्श गरेर बैठकको मिति तय गर्ने बताइएको छ।
प्रतिक्रिया