काठमाडौ । सोमबार (आज) देखि नेपाली नयाँ वर्ष २०७७ सुरु भएको छ । नेपालको मौलिक संवत् मानिने विक्रम संवत्को आफ्नै महत्व र वैज्ञानिकता भएको ज्योतिषविद् बताउँछन् ।
सरकारी कामकाजमा वि.सं. चलाउने नेपाल एक मात्र मुलुक हो । हरेक वैशाख सङ्क्रान्तिदेखि यो संवत्को आरम्भ हुन्छ । यो संवतको आरम्भकर्ता विक्रामादित्य मानिन्छ ।
ज्योतिष पं। दीपक सुवेदीले यो संवत् सूर्यको गतिका आधारमा तय भएकाले यसको विशेष वैज्ञानिकता पुष्टि भइसकेको बताउनुभयो । उहाले आफ्नो पहिचान बोकेको संवतलाई महत्व दिइनु नेपालका लागि गौरवको विषय भएको बताउनुभयो ।
सुवेदीले भन्नुभयो, ‘गणितीय हिषाबले यस वर्ष प्रारम्भ र भविष्यफलहरुले विश्वमा नै प्रभाव पार्दछ । सूर्यले ३६० डिग्री पूरा गरेर ० डिग्रीमा प्रवेश गरेका आधारमा यो संवत् सुरु हुन्छ । त्यसकारण यो संवतबारे कुनै अन्योल पालिरहनु पर्दैन ।’
प्रतिक्रिया