काठमाडौ । रौतहटका १९ वर्षीय एक युवकमा कोरोना भाइरसको संक्रमण भएको छ । १९ वर्षीय एक युवकलाई कोरोना भाइरसको संक्रमण भएको स्वास्थ्य मन्त्रालयका प्रवक्ता डा बिकास देवकोटाले जानकारी दिनुभयो ।
रौतहटका युवकसहित नेपालमा कोरोना संक्रमितको संख्या १४ पुगेको छ । कैलालीको धनगढीमा ५, पर्साको वीरगञ्जमा ३, बागलुङमा २ र काठमाडौंमा दुईजनाको उपचार भइरहेको छ । रौतहटका युवकको पनि स्थानीय अस्पतालमा उपचार भइरहेको छ । अर्का एकजना भने उपचारपछि घर फर्किएका छन् ।
काठमाडौंका दुईजना भने अबको एक दुईभित्रै डिस्चार्ज हुने अस्पतालले जनाएको छ । बागलुङ काठेखोलाकी एक महिलाको रिपोर्ट भने अझै आइसकेको छैन ।
स्थानीयस्तरमा परीक्षणका क्रममा उनलाई संक्रमण भएको पाइएको थियो ।
प्रतिक्रिया