बुटवल । लक डाउनको अवधिमा नै नेपाल विद्यार्थी संघले बुटवलमा शान्तपूर्ण विरोध कार्यक्रम गरेको छ ।
नेबिसंघको केन्द्रिय कार्यक्रम अन्तरगत सरकारले ल्याएको अध्यादेश फिर्ता गर्न दबाब दिदै शुक्रबार बुटवलको पुष्पलाल पार्कमा विरोधमा कार्यक्रम गरेको हो । नेपाल विद्यार्थी संघका केन्द्रिय उपाध्यक्ष मुक्तिराज पौडेलको नेतृत्वमा निस्केको मौन रयाली विहान साढे ९ बजेदेखि आधा घण्टा साकेतिक विरोध स्वरुप प्लेटकार्डसहित विरोध गरेको हो ।
विरोध स्वरुप कालो प्लेट कार्ड, निरंकुशलता मुर्दाबाद, जनताको जिवनरक्षामा सरकार ध्यान केन्द्रित गर लगायतका प्लेटकार्ड सहित चोकमा मौन जुलुसले धर्ना दिएको थियो । नेबिसंघका केन्द्रिय उपाध्यक्ष मुक्तिराज पौडेलले सरकारको ध्यान कोरोना रोकथाममा लाग्नुपर्ने बताउनुभयो । साकेतिक रुपमा जनतालाई सुसुचित गर्न कार्यक्रम गरिएको उहाले बताउनुभयो ।
हरेक देशको सरकार कोरोनाबाट आफनो जनताको स्वस्थ्यको बारेमा तिब्र रुपमा काम अघि बढाईरहेको उहाले दुखसो गर्नुभयो ।
विरोध कार्यक्रममा तरुण दलका क्षेत्रीय अध्यक्ष हसन्त लामा, बुटवल उपमहानगर समितिका अध्यक्ष सुजन पुन, नेविसंघका जिल्ला नेताहरु छाया पोखरेल, सुरज क्षेत्री, अशोक गौतम, रेशम केसी लगायतको सहभागिता थियो ।
नेबिसंघको विरोध कार्यक्रमले प्रदेश नं ५ का मुख्यमन्त्री शंकर पोखरेल निवासमा आधा घण्टा रोकिनुभएको थियो । निवासबाट कार्यालय हिडनुभएको उहालाई प्रहरीले खबर गरेर घरमै रोकेका थिए ।
प्रतिक्रिया