लकडाउनको मौका छोपी सुन चोर्न खोज्ने प्रहरीको फन्दामा

बुटवल । लकडाउनको मौका छोपी सुनचांदी पसल चोर्न खोज्ने ३ जनालाई प्रहरीले रङ्गेहात पक्राउ गरेको छ ।

बुटवल उपमहानगर पालिका वार्ड नम्बर १२ स्थित सिर्जना सुनचांदी पसल फोडेर सुनका गहना चोर्दै गरिरहेको अवस्थामा स्थानीय मनोज बिश्वकर्मा सहित ३ जनालाई ईलाका प्रहरी कार्यालय बुटवलको गस्तीटोलिले पक्राउ गरेको प्रहरीले जनाएको छ ।

पक्राउ परेकाहरुबाट सटर फोड्न प्रयोग गरिने औजारहरु बरामद गरिएको ईलाका प्रहरी कार्यालय बुटवलका प्रमुख डिएसपी भिमलाल भट्टराईले जानकारी दिनुभयो । पक्राउ परेका मध्य २ जना १८ वर्ष मुनीका भएकाले उनीहरुको नाम भने प्रहरीले सार्वजानीक गरेको छैन ।

पक्राउ परेकालाई हिसासतमा राखि अनुसन्धान गर्न आजै अदालतबाट म्याद थप गरिएको डिएसपी भट्टराईले बताउनुभयो ।

सटर फोडेर भित्र जांदाजांदै प्रहरीले थाहापाई उनीहरुलाई पक्राउ गरेका कारण कुनै धनमाल चोरी गर्न भने नपाएको प्रहरीले जनाएको छ ।