काठमाडौं । कोरोना भाइरस [कोभिड–१९] संक्रमण पुष्टी भएका एक जनाको ललितपुरमा मृत्यु भएको छ । उनको मृत्युसँगै नेपालमा कोरोनाबाट मृत्यु हुनेको संख्या ५ पुगेको छ ।
किष्ट अस्पतालमा उपचाररत ललितपुर महानगरपालिका-२२ का ५७ वर्षीय पुरुषको कोरोना संक्रमणका कारण बुधबार साँझ निधन भएको हो । आजै सांझ मृतकको कोरोना परीक्षणको रिपोर्ट पोजेटिभ आएको थियो ।
मृतकलाई अल्कोहलिक लिभर डिजिज भन्दै सुरुमा पाटन अस्पताल लगिएको थियो । तर आईसीयू नभएको भन्दै पाटन अस्पताले किस्टमा रिफर गरेको थियो । अस्पतालले १२ गते नै उनको थ्रोट स्वाब संकलन गरेर परीक्षणका लागि पठाएको भएपनि आजमात्र उनको रिपोर्ट आएको थियो ।
यद्यपि, कोरोनाका कारण मृत्यु भएको भनेर सरकारको तर्फबाट औपचारिक घोषणा गर्न भने बाँकी छ ।
प्रतिक्रिया