१४ जेष्ठ २०८०, आइतबार | May 28, 2023

सीमा विवादबारे भारतको पछिल्लो प्रतिक्रिया : आपसी सम्मानका आधारमा सम्बाद आवश्यक



काठमाडौं । लिपुलेक, लिम्पियाधुरा र कालापानीमा प्रमाण सहित नेपालले आफ्नो दाबी प्रस्तुत गरेपछि भारतबाट थरीथरीका प्रतिक्रिया आउन थालेकाछन् । मन्त्रीपरिषदले लिम्पियाधुरा, लिपुलेक र कालापानी समेटेर नेपालको नक्सा जारी गरेपछि नेपालको नक्सा अस्विकार गरेको भारतले पछिल्लो पटक नेपालसँगको सीमा विवाद समाधानका लागि रचानत्मक र सकारात्मक प्रयासहरु आवश्यक रहेको प्रतिक्रिया दिएको छ ।

भारतको विदेश मन्त्रालयका प्रवक्ता अनुराग श्रीवास्तवले एक पत्रकार सम्मेलनमा नक्सा विवादबारे सोधिएको प्रश्नमा पारस्परिक विश्वासको वातावरणमा आपसी संवेदनशिलता र आपसी सम्मानको आधारको भारत आफ्ना छिमेकीहरुसँग कुरा गर्न खुल्ला रहेको बताएकाछन् ।

नेपालले नयाँ नक्सा सार्वजनिक गरे लगत्तै आफ्नो सार्वभौम सत्ता र भौगोलिक अखण्डतामाथि प्रहार भएको टिप्पणी गरेको भारतले सीमा विवादका लागि पारस्परिक विश्वासको वातावरण हुनुपर्ने बताएको हो। पत्रकार सम्मेलनमा श्रीवास्तवले नेपाल र भारतीबीच ऐतिहासिक, सांस्कृतिक सम्बन्ध रहेको भन्दै कोभिड १९ को महामारीको समयमा पनि नेपाललाई सहयोग गरिरहेको स्मरण गरेका थिए।

उनले नेपालमा भइरहेको गतिविधि नियालिरहेका भन्दै सीमा विवादको समाधानका लागि रचनात्मक र सकारात्मक प्रयासहरु आवश्यक हुने समेत बताएका छन्।

भारतले नेपालको लिम्पियाधुरा लिपुलेक हुँदै जाने सडक बनाएपछि नेपालले आफ्नो नयाँ राजनीतिक नक्सा सार्वजनिक गरेको थियो।

प्रकाशित मिति : १६ जेष्ठ २०७७, शुक्रबार  ७ : ०४ बजे

संसदीय सुनुवाइ समिति गठन, कुन दलबाट को को परे ?

काठमाडौं । प्रतिनिधिसभा अन्तर्गतको संसदीय सुनुवाइ समिति गठन गरिएको छ

संघीय संसदको संयुक्त बैठक र संयुक्त समिति (कार्यसञ्चालन) नियमावली पारित

काठमाडौं । संघीय संसदको संयुक्त बैठक र संयुक्त समिति (कार्यसञ्चालन)

आर्थिक मन्दीको मारमा होटल ब्यवसायी, घरभाडा छुटको अपिल

बुटवल । आर्थिक समस्याको वर्तमान समयमा रुपन्देहीका होटल ब्यवसायीहरुले घरधनीलाई

प्रधानमन्त्रीको भारत भ्रमणअघि चिनियाँ कम्पनीहरु विरुद्ध सरकार आक्रमक, तमोरबाट पावर चाइनालाई आउट गरिँदै

काठमाडौं । तमोर जलाशययुक्त आयोजनाबाट पावर चाइनालाई बिदाइ गर्ने प्रक्रिया

रेशम चौधरीलाई आम माफी दिन राष्ट्रपतिसमक्ष सरकारको सिफारिस

काठमाडौं । सरकारले रेशमलाल चौधरीको बाँकी सजाँय मिनाहा गर्दै आममाफी