कोरोना भाइरसबाट मृत्यु हुनेको संख्या ६ पुग्यो

काठमाडौं । नेपालमा कोरोना भाइरसका संक्रमित व्यक्तिको संख्या दिनदिनै बढ्दै छ । यस्तै, कोरोनाबाट मृत्यु हुनेको संख्या पनि विस्तारै बढिरहेको छ ।

पछिल्लो अद्यावधिक विवरण अनुसार अर्घाखाँची जिल्ला भूमिकास्थान नगरपालिकाका ३५ वर्षीय पुरुषको कोरोना संक्रमणबाट जेठ १० गते मृत्यु भएको छ ।

भारतबाट आउने क्रममा नेपाल प्रवेश गरेसँगै उनको कोरोना परीक्षणका लागि स्वाव लिइएको थियो । ती पुरुषको कोरोनाबाट मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।

यससँगै हालसम्म कोरोनाबाट मृत्यु हुनेको संख्या ६ पुगेको छ । ६ जना व्यक्तिकै मृत्युपछि मात्र कोरोना भाइरस पोजेटिभ रहेको पत्ता लागेको छ ।