गुल्मी । बस्तु बिनिमयलाई आधार बनाएर ब्यवसाय गर्दै आएको पैँचो पसल प्रालिले आफ्ना कर्मचारीहरुको कोरोना बीमा गरिदिएको छ ।
विश्वब्यापी रुपमा फैलिएको कोरोना माहामारी (कोभिड १९)का कारण जोखिममा रहेर काम गर्ने कर्मचारीहरुका लागि प्रालिले कोरोना बीमा गरिदिएको हो ।
पैचोका सबै शाखाका अग्रभागमा काम गर्ने ९१ जना कर्मचारीहरुको बीमा गरिएको पैचोका महाप्रबन्धक सुमन बरालले जानकारी दिनुभयो ।
जोखिमका बाबजुद काममा खटिने ९१ जना कर्मचारीहरुको प्रतिव्यक्ति एक लाख रुपैयाँ बराबरको बीमा गरिएको उहांले बताउनु भयो ।
कर्मचारीहरुमा कोरोना भाइरस परीक्षण गर्दा दुई पटक पोजेटिभ रिपोर्ट आएमा इन्स्योरेन्स कम्पनीले तोकिए बमोजिमको रकम सम्बन्धित कर्मचारीलाई क्षतिपुर्ति स्वरुप प्रदान गर्ने सगरमाथा इन्स्योरेन्स गुल्मी शाखाका प्रमुख रमेश अधिकारीले बताए ।
कम्पनीले बीमालेख जारी गरि जिल्लाको सदरमुकाम तम्घासमा रहेको पैचो पसललाई हस्तान्तरण गरेको छ ।
प्रतिक्रिया