काठमाडौं । सरकारले चोरबाटोबाट एमसीसी परियोजना अघि बढाउन खोजेको भन्दै नेकपाभित्र पुनः विवाद सुरु भएको छ ।
बजेटमा केही परियोजनाहरुमा एमसीसी परियोजनाबाट प्राप्त हुने रकम उल्लेख गरिएपछि नेकपाभित्र तरङ्ग देखिएको हो । पार्टीको निर्देशन विपरित सरकारले एमसीसी अघि बढाउन खोजे बजेट नै फेल गराइदिने चेतावनी कतिपय नेताले सार्वजनिक रुपमा दिन थालेका छन् । बजेट फेल हुनुको अर्थ सरकार असफल हुनु हो ।
सरकारको नीति तथा कार्यक्रममा लप्सिफेदी, नुवाकोट रातामाटे दमौली बुटवल प्रसारण लाइन निर्माण गरिने भनेर उल्ले गरिएको थियो । यही प्रसारण लाइन निर्माणका लागि सिधै नभनिए पनि एमसिसी परियोजनाअन्तर्गत प्राप्त हुने पाँच अर्ब ७२ करोड रुपैयाँ वैदेशिक अनुदानको रुपमा बजेटमा समावेश गरिएको छ ।
नेकपाका वरिष्ठ नेत झलनाथ खनालले चोबाटोबाट ल्याइएको यस्तो बजेटलाई स्वीकार गर्न नसकिने बताउनुभएको । एमसीसी यथास्थितिमा अनुमोदन गर्न नसकिने खनालको अडान रहेको छ ।
बजेटलगत्तै पार्टीभित्र विवाद भुसको आगो जस्तै सकिल्न थालेपछि नेकपाले आकस्मिक रुपमा सचिवालय बैठक बोलाएको हो ।
नेकपाका अध्यक्षद्वय केपी शर्मा ओली र पुष्पकमल दाहाल प्रचण्डबीच शुक्रबार भएको छलफल पछि आज बिहानका लागि बैठक बोलाइएको हो ।
प्रतिक्रिया