काठमाडौं । विश्वभर फैलिएको कोरोना भाइरसको महामारीले मृत्यु हुने दर कतिपय मुलुकहरुमा घट्दै गएपनि अमेरिकामा मृत्यु हुने संख्यामा कमी आएको छैन । पछिल्लो २४ घण्टामा मात्र अमेरिकामा थप १००८ जनाको कोरोनाका कारण ज्यान गएको छ । यो समाचार तयार पार्दासम्म अमेरिकामा मृत्यु हुनेको संख्या १ लाख ५ हजार ५५७ पुगेको छ ।
पछिल्लो २४ घण्टामा अमेरीकामा २२ हजार८८२ जना नयां संक्रमित भेटिएको वर्ल्डोमिटर्सको तथ्यांकमा उल्लेख गरिएको छ । योसँगै संक्रमितको संख्या १८ लाख १६ हजार ८२० पुगेको भने ५ लाख ३५ हजार २३८ जना संक्रमणमुक्त भएर घर फर्केका छन् । उपचार गराइरहेका ११ लाख ७९ हजार ६६१ जनामध्ये १७ हजार १५९ जनाको अवस्था गम्भीर रहेको छ ।
प्रतिक्रिया