बुटवल । कोरोना भाइरसका संक्रमितहरुको संख्या थपिएसंगै प्रदेश नम्बर ५ का आइसोलेसन अस्पतालबाट संक्रमितहरु निको भएर पनि जान थालेका छन् । बुटवल धागो कारखानास्थित कोरोना विशेष अस्पतालबाट सुरुभएको निकोहुने सृङ्खला नेपालगन्ज, दाङ हुंदै आज कोरोना बिषेश अस्पताल बुटवलबाट थप ४ जनाले कोरोना भाइरसलाई जितेर घर फर्किएका छन् ।
लुम्बिनी प्रादेशीक अस्पतालका मेडिकल सुपरिटेण्डेन्ट डाक्टर राजेन्द्र खनालका अनुसार निको हुनेमा कपिलवस्तुका ३ जना र रुपन्देहीका १ जना छन् । १५ देखि ४० वर्ष उमेर समूहकाउनीहरू वैशाख २९ र ३० गते भर्ना भएका थिए ।
अस्पतालबाट हालसम्म १५ जना निको भएर घर फर्किसकेको छन् । यस अगाडि जेठ १० गते कपिलवस्तुका १० जना युवा निको भएर घर गएका थिए भने रुपन्देहीको कोटहीमाई गाउँपालिकाका २५ वर्षीय युवा वैशाख ३० गते निको भएर घर फर्किसकेका छन् ।
आज निको भएर फर्केका युवाले अस्पतालमा धेरै राम्रो सेवा पाएको प्रितिक्रिया दिएका छन् । उनले अस्पताल र स्वास्थ्यकर्मीहरुले राम्रो ब्यवहार गरेको बताए ।
कोरोना अस्पतालको जनरल वार्डमा ३१ जना र १ जना आइसीयुमा उपचाररत रहेको डाक्टर खनालले जानकारी दिनुभयो । योसँगै प्रदेश पाँचमा कोरोना जितेर घर फर्किनेको संख्या ५२ जना पुगेको छ । संक्रमण मुक्त भएकाहरुलाई मेसु डाक्टर खनाल र फोकल पर्सन डाक्टर सुदर्शन थापाले फुल दिएर अस्पतालबाट बिदा गर्नुभएको थियो ।
प्रतिक्रिया