बुटवल । बुटवल उपमहानगरपालिकाले सुरक्षा प्रवन्धसहित दैनिक ज्यालादारीका काम सुचारु गर्ने भएको छ । उपमहानगरले प्रधानमन्त्री रोजगार कार्यक्रममार्फत छनौट भएका कामदारहरुलाई सुरक्षाका उपायसहित काममा खटाइएको छ । अहिले बुटवलका तीनवटा वडामा ७८ जनाले दैनिक ज्यालादारीका काम सुरु गरेको उपमहानगरका प्रमुख प्रशासकीय अधिकृत चक्रपाणी शर्माले जानकारी दिनुभयो । उहाँले उनीहरुलाई वडा तहबाट छनौट भएका काममा खटाइएको र सबैलाई स्वास्थ्य परीक्षण गरिएको बताउनुभयो ।
वडा न.२ मा ४१ जना, वडा न. मा ७ जना र वडा नं. १० मा३१ जना गरी जम्मा ७८ जनालाइ दैनिक ज्यालादारीका काममा खटाइएको छ । उपमहानगरले यसअघि पनि वडा नं. १६ मा रहेको कपरकट्टी बैठौलिया तालको सरसफाई र केही संरचना निर्माणका लागि त्यसक्षेत्रकै बासिन्दालाई दैनिक ज्यालादारीका कामको व्यवस्था मिलाएको थियो ।
अहिले तीनवटा वडामा सुरु भइरहेको यो कार्यक्रम अरु वडामा पनि छिट्टै सुर गरिने प्रधानमन्त्री रोजगार कार्यक्रमका कार्यक्रम संयोजक अरविन्द्र पाण्डेले जानकारी दिनुभयो । उहाँका अनुसार आगामी आवका लागि पनि आवेदन माग गरि सकिएको छ ।
गत आ.वमा बुटवलमा छनौट भएका झण्डै एक हजार जना कामदारमध्येबाटै चालु आवमा वडामा काममा खटाइएको प्रमुख प्रशासकीय अधिकृत शर्माले बताउनुभयो ।
प्रतिक्रिया