काठमाडौं । संघीय मन्त्रिपरिषद् बैठक प्रधानमन्त्री निवास बालुवाटारमा जारी छ । आइतबार मध्याह्न सुरु भएको बैठकको एजेण्डाबारे भने कुनै पनि मन्त्रीलाई पूर्वजानकारी दिइएको थिएन ।
बैठकमा संसदको आगामी अधिवेशनको मितिबारे छलफल हुने अनुमान गरिएको छ । सरकारको सिफारिसमा राष्ट्रपतिले अधिवेशन आह्वान गर्नुपर्ने संवैधानिक प्रावधान रहेको छ ।
जेठ १५ गते संघीय सरकारको वार्षिक बजेट सार्वजनिक गर्नुपर्ने संवैधानिक बाध्यता रहेको छ । त्यसभन्दा पहिले सरकारको नीति तथा कार्यक्रम संसदमा पेश भै पारित हुनुपर्छ ।
बैठकमा बैशाख २५ गतेसकिने लकडाउन र आगामी दिनमा त्यसको मोडालिटीको बारेमा छलफल हुनसक्ने बुझिएको छ ।
प्रतिक्रिया