संसदको बजेट अधिवेशन बैशाख २६ गतेदेखि

काठमाडौं । सरकारले संसदको आगामी अधिवेशन वैशाख २६ गते बोलाउन राष्ट्रपतिसमक्ष सिफारिस गरेको छ ।

आइतबार प्रधानमन्त्री निवास बालुवाटारमा बसेको मन्त्रिपरिषदको बैठकले यही वैशाख २६ गते अपरान्ह ४ बजे संसदको बजेट अधिवेशन बोलाउने निर्णय गरेको हो ।

सरकारको सिफारिसमा राष्ट्रपतिले संसद अधिवेशन बोलाउने संवैधानिक प्रावधान रहेको छ ।

जेठ १५ गते आगामी वर्षको बजेट सार्वजनिक गर्नेपर्ने संवैधानिक व्यवस्था रहेको छ । बजेटअघि सरकारका नीति तथा कार्यक्रममाथि छलफल गरी पारित गर्नुपर्ने हुन्छ।