काठमाडौं । लकडाउनबारे निर्णय लिन मन्त्रिपरिषद् बैठक बस्दैछ । प्रधानमन्त्री निवास बालुवाटारमा बिहान ११ बजे बैठक बस्न लागेको हो।
बैठकले लकडाउन थपको निर्णय गर्ने बुझिएको छ । कोरोना भाइरस रोकथाम उच्चस्तरीय समितिको मंगलबार बसेको बैठकले अहिलेसम्म गरेको लकडाउन प्रभावकारी रहेको ठहर गर्दै अझै लम्ब्याउनुपर्ने निस्कर्ष निकालेको थियो । प्रधानमन्त्रीकै उपस्थितिमा बसेको बैठकको सिफारिसलाई मन्त्रिपरिषदले अनुमोदन गर्ने एकमन्त्रीले बताए ।
कोरोना भाइरस ९कोभिड–१९० संक्रमण फैलिन नदिन सरकारले डेढ महिनादेखि देशभर लकडाउन जारी राखेको छ। कम्तिमा पनि एक साता लकडाउनको अवधि थपिने उच्चस्तरी समितिमा प्रतिनिधित्व गर्ने एक मन्त्रीले जानकारी दिए ।
यसअघि नै प्रधानमन्त्री ओलीले लकडाउनलाई निरन्तरता दिने संकेत गरिसक्नुभएको छ ।
सरकारले कोरोना नफैलियोस् भनेर सुरुमा ११ चैतमा एक साताका लागि लकडाउन घोषणा गरेको थियो। त्यसपछि पटक पटक थप गर्दै लकडाउनको अवधि २५ वैशाखसम्म पुर्याएको छ।
भारतले ४ जेठसम्म लकडाउनको अवधि थपिसकेको छ। भारतमा संक्रमितको संख्या दिनहुँ वृद्धि भइरहेको छ। नेपालमा पनि पछिल्ला दिनमा कोरोना संक्रमितको संख्या बढ्दै गएको छ।
प्रतिक्रिया