रास्वपाले बोलायो केन्दीय समितिको बैठक, संसदीयदलको नेता चयन गर्ने एजेण्डा

काठमाडौं । जननिर्वाचित नयाँ सरकार गठनको तयारीमा रहेको राष्ट्रिय स्वतन्त्र पार्टी (रास्वपा) ले केन्द्रीय समितिको बैठक बोलाएको छ।

यही चैत १२ गते दिनको ४ बजे पार्टीको केन्द्रीय कार्यालय वनस्थलीमा बस्नेगरी केन्द्रीय समितिको बैठक बोलाइएको प्रवक्ता मनीष झाले जानकारी दिएका छन् । प्रवक्ता झाका अनुसार बैठकमा संसदीय दलको नेता चयन सम्बन्धमा छलफल गरिने छ ।

नवनिर्वाचित प्रतिनिधि सभाको सबैभन्दा ठूलो दल रास्वपाले वरिष्ठ नेता बालेन्द्र शाहलाई संसदीय दलको नेता चयन गर्ने तयारी गरेको छ। निर्वाचनका क्रममा रास्वपाले बालेन्द्र शाहलाई भावी प्रधानमन्त्रीकारुपमा प्रस्तुत गरेको थियो ।

१२ गते नै संसद सदस्यहरूले शपथ लिनेछन् भने १३ गते शाह प्रधानमन्त्रीमा नियुक्त हुने कार्यक्रम छ।