काठमाडौं । लकडाउनका कारण नेपालमा अड्किएका अष्ट्रेलियन पीआर नेपाली तथा अष्ट्रेलियन नागरिक लिएर नेपाल एयरलाइन्सको जहाज उड्दै छ । आज साढे १ बजे नेपाल एयरलाइन्सको जहाज सिड्नी प्रस्थान गर्दैछ ।
२६४ जना अष्ट्रेलियाली नागरिक लिएर नेपाल एयरलाइन्सको वाइडबडी जहाजले चार्टर्ड उडान गर्न लागेको हो ।
कोरोना भाइरसका महामारी विश्वव्यापी बनेसँगै विभिन्न देशहरुले विमान चार्टर्ड गर्दै आफ्ना नागरिक फिर्ता लगिरहेको बेला अष्ट्रेलियाले पनि आफ्ना नागरिक फिर्ता लगेको हो ।
त्यसैगरी, आजै साँझ ५ बजे चाइनाको बेइजिङका लागि नेपाल एयरलाइन्सको कार्गो उडान हुँदैछ । नेपाल एयरलाइन्सले लकडाउन सुरु भएपश्चात ८ वटा अन्तर्राष्ट्रिय उडानहरु गरिसकेको छ ।
प्रतिक्रिया