काठमाडौं । प्रधानमन्त्री एवं पार्टी अध्यक्ष केपी शर्मा ओलीका कारण पार्टीको स्थायी कमिटी बैठक अनिश्चितकालसम्म स्थगित भएपछि असन्तुष्ट नेताहरुले पार्टी केन्द्रीय कार्यालयमै भेला गरेका छन् ।
स्थायी कमिटी बैठकको माग गरेका २० जना नेताहरुको पहलमा अध्यक्ष प्रचण्ड र नेता माधव नेपाल समूहका नेताहरुले पार्टी कार्यालयमा छलफल गरेका हुन् ।
स्थायी कमिटी सदस्य देवेन्द्र पौडेलले पार्टीलाई विधि र प्रक्रियाअनुसार कसरी एकतावद्ध बनाउने भन्ने विषयमा छलफल भएको जानकारी दिनुभयो ।
छलफलमा उपस्थित अर्का एक नेताले भने अध्यक्ष ओलीले स्थायी कमिटी बैठकबाट भागेको भन्दै नेताहरुले असन्तुष्टि जनाएका थिए । स्थायी कमिटी बैठक नबोलाइएको अवस्थामा कस्तो रणनीति बनाउने भन्ने विषयमा छलफल गरिएको दाबी गरे । उनले पार्टी कार्यालयमै गरिएको छलफल अध्यक्ष ओलीको गैरजिम्मेवार गतिविधिविरुद्ध सांकेतिक विरोध भएको बताए ।
बुधबार बसेको सचिवालय बैठकलाई प्रधानमन्त्री केपी शर्मा ओलीले बङ्क गरेपछि स्थायी कमिटी बैठक स्थगित भएको थियो ।
प्रतिक्रिया