एकाबिहानै ७ जना कोरोना संक्रमित थपिए, संक्रमित १०९ पुगे

बुटवल । उदयपुरको भुल्के, कलिवस्तु र पर्सामा गरि थप ७ जना कोरोना भाइरस संक्रमित थपिएपछि नेपालमा संक्रमितहरुको संख्या १०९ पुगेको छ ।

स्वास्थ्य तथा जनसंख्या मन्त्रालयले आज बिहान प्रकाशित बिज्ञप्तीमा कोशी अस्पतालमा पिसिआर परिक्षणमा भुल्केका १८, ४५ र ६५ बर्षिया ३ जना महिला, कपिलवस्तुमा १७, १८ र १८ वर्षका पुरुष ३ जना तथा पर्सामा ६२ वर्षका पुरुषमा कोरोना भाइरसको संक्रमण भेटिएको उल्लेख गरिएको छ ।

भुल्केमा फेला परेका संक्रमितहरुको कोशी अस्पतालको पिसिआर परिक्षणबाट पुष्टी भएको थियो भने कपिलवस्तु र पर्साका संक्रमितहरुको केन्द्रिय प्रयोगशाला काठमाण्डौले पुष्टी गरेको हो ।