काठमाडौं । केही चिनियाँ नागरिकले सिंहदरबार अगाडि निषेधित क्षेत्रमा गरेको प्रदर्शनबारे चिनियाँ दूताबासले ध्यानाकर्षण भएको जनाएको छ ।
दूतावासका प्रवक्ताले सञ्चार माध्यमलाई पठाएको प्रश्नोत्तर नोटमा घटनाबारे नेपाल प्रहरीसँग निरन्तर सम्पर्कमा रहेर जानकारी प्राप्त गरेका जनाएका छ्न । दुतावासका प्रवक्ताले भनेका छन्, ‘लकडाउनका बीचमा भएका घटनाबाट उत्पन्न सबैखाले परिस्थितिलाई दुवै देशले एकअर्काको नजिकको सम्पर्कमा रहेर समाधान गर्न सक्छन्’ ।
चीनले जहिले पनि नेपालको नियम र कानुनलाई पालना गर्न आफ्ना नागरिकहरुलाई कडा निर्देशन दिँदै आएको बताउँदै प्रवक्ताले आफ्ना माग कानुनसम्मत तरिकाले सम्बन्धित निकायमा पुर्याउनु पर्ने जनाएका छन् ।
प्रवक्ताले अवाञ्छित गतिविधि नगर्न आफ्ना नागरिकहरुलाई निर्देशन दिएका छन् । कोभिड १९ को महामारीको यससमयमा नेपालले गरेको लकडाउनलाई पालना गर्न आफ्ना चीनले आफ्ना नागरिकहरुलाई अनुरोध गरेको छ ।
दूतावासले चिनिया नागरिकको वैधानिक अधिकार र हितको रक्षा गर्न नेपाली पक्षलाई अनुरोध गरेको छ ।नेपालमा रहेका आफन नागरिकहरुलाई विशेष उडानमार्फत स्वदेश फर्काइरहेको जनाउँदै दूतावासले घर फर्किन चाहने सबैलाई सम्भव भएसम्म उद्दार गरिरहेको जनाएको छ ।
दूताबासले अप्ठेरो अवस्थामा पनि स्वदेश फर्किनका लागि सहयोग गरेकोमा यसका लागि नेपालको विदेशमन्त्रालय, नागरिक उड्डयन प्राधिकरण, पर्यटन विभाग, अध्यागमन विभाग, भन्सार, प्रहरी र र सरकारका सबै विभागलाई धन्यवाद दिएको छ ।
प्रतिक्रिया