१९ आश्विन २०७९, बुधबार | October 5, 2022

आफ्नै भूमिमा भारतको २२ किलोमिटर सडक, दिल्लीको ट्वीटपछि मात्र काठमाडौं तरङ्गित



भारतले नेपाली भूमिमा २२ किलोमिटर लामो सडक बनाएर लिपुलेकसम्म पुर्याएको छ । दार्चुलाको व्यास गाउँपालिका–१ को गुन्जीदेखि लिपुलेकसम्म करिब २२ किलोमिटर लामो सडक भारतले निर्माण गरेको छ ।

नेपाली सीमाभित्र सडक कहिलेदेखि बन्न थाल्यो भन्ने बारेमा न त व्यासका बासिन्दालाई थाहा छ, न त नेपाल सरकारलाई नै । नेपाल–भारत–चीनको त्रिदेशीय सीमामा सरकारका कुनै पनि निकायको उपस्थिति नहुँदा भारतलाई नेपाली भूमि अतिक्रमण गर्न सजिलो भएको छ । सरकारले चासो नदिएकै कारण भारतले नेपाली भूमि अतिक्रमण गरेर सडक बनाएको दार्चुलाका स्थानीय जनताले गुनासो गरेका छन् ।

भारतका रक्षामन्त्री राजनाथ सिंहले गत शुक्रबार ट्वीटरमा सडक उद्घाटन गरेको ट्वीट गरेपछि मात्र काठमाडौंबाट प्रतिक्रिया आउन थालेको हो । आफ्ना सुरक्षा निकाय, गुप्तचर संयन्त्र र अन्य सरकारी निकायबाट कुनै जानकारी प्राप्त गर्न नसकेको सरकारले भारतीयहरुबाटै तावाघाट–लिपुलेक–मानसरोवर सडक उद्घाटन गरेको समाचार सार्वजनिक गरेपछि मात्र औपचारिक प्रतिक्रिया जनाएको छ ।

सन् २०१५ मा भारतीय प्रधानमन्त्रीको चीन भ्रमणका क्रममा भारत र चीनबीच भएको सम्झौतामा लिपुभञ्जयाङ नाकालाई व्यवसायिक धार्मिक नाकाको रुपमा विकास गर्ने जनाइएको छ । भारतले सोही सम्झौता पछि पहिलेदेखि रहँदै आएको गोरेटो नाकालाई व्यवसायिक बनाउन सुरु गरेको हो । नेपालले समयमै भारत र चीनसँग गम्भीर आपत्ति प्रकट गर्दै आफ्नो राष्ट्रिय सार्वभौमसत्ता र भौगोलिक अखण्डताको रक्षा गर्न उचित पहल गर्न नसक्दा भारतका लागि सजिलो वातावरण मात्र बनेको हो ।

सन् १९६२ को भारत–चीन युद्धपछि पञ्चायतकालदेखि दार्चुलाको व्यास क्षेत्रमा भारतले अतिक्रमण गर्दै आएको थियो । त्यसैको परिणाम अहिले हामीले देखिरहेका छौं । नेपालबाट हामी केवल कागजी प्रतिक्रियामा मात्र व्यक्त गर्न बाध्य बनेका छौं ।



प्रकाशित मिति : २८ बैशाख २०७७, आइतबार  ७ : ३७ बजे

आजको मौसम : देशभर बिहानैदेखि वर्षा, दिउँसो भारी वर्षाको सम्भावना

काठमाडौं । देशभर बिहानैदेखि पानी परिरहेको छ । जल तथा

च्याम्पियन्स लिगमा बार्सिलोना इन्टरसँग हार्‍यो

काठमाडौं । युरोपीयन च्याम्पियन्स लिग फूटबल प्रतियोगितामा बार्सिलोना इन्टर मिलानसँग

१७ वर्षमुनिको एसियन कप छनोट : नेपाल आज थाइल्याण्डसँग खेल्दै

काठमाडौं । एएफसी यू-१७ एसियन कप छनोटको पहिलो खेलमा नेपालले

राष्ट्रपति भण्डारीले सर्वसाधारणलाई दशैँको टीका लगाइदिने, छुट्याइयो २ घण्टा समय

काठमाडौं । राष्ट्रपति विद्यादेवी भण्डारीले आज बुधबार विजया दशमीका दिन

टिमुरे खोलामा रेन्बो ट्राउट माछापालन

गलेश्वर । म्याग्दीको मालिका गाउँपालिका-३ डाँडागाउँको पुछारमा रहेको टिमुरे खोलामा