आजको मौसम : अधिकांश क्षेत्रमा बदली, मेघगर्जन, चट्याङ, असिना र हावाहुरीसहित वर्षाको सम्भावना

काठमाडौ । अहिले देशभर पश्चिमी न्युन चापीय प्रणालीको आंशिक प्रभाव र स्थानीय वायुको प्रभाव हुनुका साथै तथा बंगालको खाडीवाट भित्रिएको जलवाष्पयुक्त वायुको सामान्य प्रभाव परिरहेको मौसम पूर्वानुमान महाशाखाले जनाएको छ ।

हाल पश्चिमी भु-भागहरुमा बदली भई हावाहुरी, मेघ गर्जन र चट्याङसहित केहि स्थानहरुमा वर्षा भईरहेको छ भने बाँकी भु-भागमा सामान्यतया सफा रहेको महाशाखाले जनाएको छ ।

आज दिउँसो देशको पश्चिमी भु-भाग लगायत मध्य र पुर्वका पहाडी भु-भागमा सामान्य बदली रहनेछ भने बाँकि भु-भागमा आंशिक बदली रहने मौसम पूर्वानुमान महाशाखाले जनाएको छ । पश्चिमी भु-भागका केही स्थानहरुका साथै मध्य र पुर्वका एक दुई स्थानहरुमा मेघगर्जन, चट्याङ, असिना र हावाहुरीसहित वर्षाको सम्भावना रहेको महाशाखाले जानकारी दिएको छ ।

आज राती देशको पश्चिमी भु-भागमा सामान्य बदली रहि वाँकी भु-भागमा आंशिक बदली रहनेछ । पश्चिमी भु-भागका केही स्थानहरु लगायत मध्य र पुर्वका केही स्थानहरुमा मेघगर्जन, चट्याङ, असिना र हावाहुरीसहित वर्षाको सम्भावना रहेको मौसम पूर्वानुमान महाशाखाले जनाएको छ ।