काठमाडौं । गृहमन्त्री रामबहादुर थापाले भारतसँग रहेको सीमा विवाद कुटनीतिक तहबाटै समाधान गर्नुपर्ने बताउनुभएको छ ।
आइतबार संसदको राज्य व्यवस्था तथा सुशासन समितिमा बोल्दै गृहमन्त्री थापाले भारतले नेपालको भूभाग अतिक्रमण गरेको विषयलाई कुटनीतिक तहबाट समाधान गर्नुपर्ने बताउनुभएको हो ।
भारतले ६ दशक अघिदेखि झण्डै ४ सय वर्ग किलोमिटर नेपाली भूमि भारतले अतिक्रमण गर्दै आएको जनाउँदै अहिले बनाएको सडक बारे पनि सरकारले विरोध जनाइसकेको जानकारी दिनुभयो ।
सीमा समस्या समस्या नयाँ नभएको बताउँदै उहाँले अतिक्रमित नेपाली भूभाग मुक्त गर्न र भारतीय सेना फर्काउनका सरकारले पहल गर्दै आएको बताउनुभयो ।
बैठकमा गृहमन्त्री थापाले भारतले नयाँ नक्सा जारी गरेर नेपाली भूमी आफ्नो भएको दाबी गरेपछि त्यसविरुद्ध नेपालमा आन्दोलन भएको र सरकारले पनि विरोध जनाएको स्मरण गराउनुभयो ।
उहाँलेले अहिले पनि यो विषय कूटनीतिक माध्यमबाटै समाधान गर्नुपर्छ भन्नेमा सरकार स्पष्ट भएको धारणा राख्नुभयो ।
सीमा सुरक्षाको निम्ति सो क्षेत्रमा नेपाली सुरक्षा निकायलाई तैनाथ गर्ने र अहिले छाङरुमा बीओपी राख्ने तयारी भएको गृहमन्त्री थापाले जानकारी दिनुभयो । त्यस क्षेत्रमा बाटो पनि नभएकाले बाटो निर्माण कार्य पनि चलिरहेको उहाँले बताउनुभयो।
प्रतिक्रिया