२२ जेष्ठ २०८०, सोमबार | June 5, 2023

सीमावर्ती क्षेत्रका क्वारेनटाईन भरिभराउ, सरकार भन्छ सिमामा सिल छ



कपिलवस्तु । सरकारले सिमामा सिल गरेपछि पनि कपिलवस्तुमा १ हजार बढी नेपालीहरु सिमाबाट नेपाल प्रवेश गरि क्वारेन्टाईनमा बसेकाछन् । कपिलवस्तुका १० पालिकाले संचालन गरेका १ हजार ७ सय ८८ क्वारेनटाइन बेडमा १ हजार ३सय ७९ जना छन् । उनीहरु सबै सरकारले सिमा सिल गरेपछि नेपाल भित्रिएका हुन् ।

क्वारेनटाइनमा बसेकाहरु भारतका बिभिन्न शहरबाट फर्केकाहरु रहेको जिल्ला प्रशासन कार्यालय कपिलवस्तुले जनाएको छ ।

जुन अनुपातमा कपिलवस्तु नाकाबाट नेपालीहरु नेपा भित्रिएकाछन् त्यती नै अनुपातमा सिमा पारी दशगजामा नेपालीहरुको बेहाल देखिएको छ । आइतवार साँझ ५ बजेसम्म जिल्लाका ७ नाकामा १ हजार ८ सय ५४ जना अलपत्र छन् ।

त्यस मध्ये १ हजार ८ सय १६ जना कपिलवस्तुका र बाँकी ९ जिल्लाका हुन् । जसमा दाङका ७, प्युठानका ११, बर्दियाका एक बाँकेका एक, अर्घाखाँचीका २, सिन्धुपलाञ्चोकका १, अछामका ५, कैलालीका ८ र रुपन्देहीका २ जना रहेका छन् ।

उता बांकेको अवस्था पनि कपिलवस्तुको भन्दा फरक छैन । बांकेको जमुनाहा नाकाबाट मात्र सिमा सिल भएपछि ४ हजार बढी नेपाल प्रवेश गरेकाछन् भने खुल्ला सिमानाको फाईदा उठाउंदै हरेक दिन नेपाल भित्रिने क्रम रोकिएको छैन । खेत, जङ्गल र खोलाको बाटो हुंदै भित्रिने क्रम नरोकिएको बांकेका प्रमुख जिल्ला अधिकारी कुमार बहादुर खड्काले स्विकार गर्नुभएको छ । बांकेमा लकडाउन पछि १ हजार ६ सय २८ लाई क्वारेनटाईनमा राखिएकोमा १ हजार २ सय ३९ जना स्वास्थ्य परिक्षण गरि घर पुगेका छन् ।

रुपन्देहीमा संक्रमित भेटिएका युवा पनि सिमा सिल भएपछि नै नेपाल भित्रिएका थिए । रुपन्देहीको सिमा नाकाबाट पनि हरेक दिन मानीस भित्रिने क्रम रोकिएको छैन । भारतमा ६२ हजार बढीमा संक्रमण फैलिंदा र २१०९ जनाको मृत्यु हुंदा खुल्ला सिमा जोडिएको नेपालमा बस्तीहरुमा जोखिम बढेको छ । राज्यले घोषणा गरेको सिमा सिल कार्यान्वयन हुन नसक्दा यस्तो जोखिम बढेको हो ।

प्रकाशित मिति : २९ बैशाख २०७७, सोमबार  ८ : २८ बजे

पाल्पा जिप दुर्घटना अपडेट : मृत्यु हुनेको संख्या ५ पुग्यो

पाल्पा । पाल्पाको रैनादेवी छहरा गाउँपालिका-८, सत्यवती केवँरेछेडामा आइतबार बेलुकी

विश्पकप क्रिकेट छनौट खेल्न आज सन्दीप लामिछाने अफ्रिका जाँदै

काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछाने

आज वातावरण दिवस मनाइँदै

काठमाडौं । संयुक्त राष्ट्रसङ्घको मूल नारालाई स्थानीयकरण गर्दै नेपालमा यस

मुग्लिन पोखरा सडक विस्तार : डुम्रे बजारका घर भत्काउन सुरु

दमौली । पृथ्वीराजमार्ग विस्तारका लागि तनहुँको बन्दीपुर गाउँपालिका-१ स्थित डुम्रे

अकला मन्दिर पुनःनिर्माण : काम अपुरो गरेर ठेकेदार बेपत्ता

गोरखा । भूकम्पले क्षति पु¥याएको गोरखाको ऐतिहासिक, पुरातात्विक तथा धार्मिक