कोरोना भाइरसको सुरुवात भएको चीनको वुहान शहरका सबै नागरिकको पुनः कोरोना परीक्षण हुनेभएको छ ।
चीनको हुपेइ प्रान्तमा पर्ने वुहान शहरबाट कोरोना भाइरस ‘कोभिड १९’ फैलिन सुरुभएको थियो ।
कोरोनाको दोस्रो लहर अझ खतरनाक हुनसक्ने विज्ञहरुले चेतावनी दिएपछि चीनले वुहानमा रहेका सबै नागरिकको कोरोना परीक्षण गर्ने तयारी गरेको हो ।
सबैको स्वास्थ्य परीक्षण दश दिनभित्रमा सकिने चिनियाँ संचारमाध्यमले जनाएका छन्। वुहानमा एक करोड १० लाख जनसंख्या छ।
कोरोना भाइरसको युद्धमा विजय प्राप्त गरेपछि वुहानसहित चीनको जनजीवन भने यतिबेला सामान्य बनिसकेको छ। गत डिसेम्बर महिनामा कोरोनाको महामारी देखिएपछि चीनले वुहानमा ७६ दिनसम्म लकडाउन गरेको थियो।
कोरोनाको प्रभाव घटेसँगै अप्रिल ८ देखि चीनका प्राय सबै शहर खुला छन्। कोरोनाका कारण हुने मृत्युको घटना पनि रोकिएको छ।
-एजेन्सी
प्रतिक्रिया