काठमाडौं । प्रधानमन्त्री केपी शर्मा ओलीले लकडाउनमा कुनै सम्झौता नगरिने स्पष्ट पार्नुभएको छ ।
मंगलबार बसेको मन्त्रिपरिषद् बैठकलाई सम्बोधन गर्दै प्रधानमन्त्री ओलीले मान्छेको जीवनभन्दा अन्य कुनै कुरा ठूलो हुन नसक्ने जिकिर गर्दै लकडाउनलाई थप कडा बनाउनुपर्ने धारणा राख्नुभएको हो ।
लकडाउनलाई कमजोर बनाउँदा कोरोना भाइरसकका संक्रमितको संख्या दिनदिनै बढिरहेकोमा असन्तुष्टि जनाउँदै प्रधानमन्त्री ओलीले मानिसको जीवनभन्दा आर्थिक गतिविधि ठूलो हुन नसक्ने बताउनुभयो ।
ओलीले सरकारी कार्यालय तथा वित्तीय संस्थाहरुबाट काम सुचारु गर्ने नाममा काठमाडौंमा लकडाउन औचित्यहीन बनाइएको भन्दै ओलीले त्यसमा पुनर्विचार गर्ने संकेत गर्नुभयो ।
अहिलेको अवस्थाले लकडाउन नभनिने भन्दै प्रधानमन्त्री ओलीले लकडाउन कडा बनाउने योजना तत्कालै ल्याउन उच्चस्तरीय समन्वय समितिलाई निर्देशनसमेत दिनुभएको छ ।
सरकारको नीति तथा कार्यक्रमबारे छलफल गर्ने कार्यसूची रहेको मन्त्रिपरिषद् बैठकमा प्रधानमन्त्री ओलीले लकडाउनबारे सम्बोधन गर्दै काठमाडौंको अवस्थालाई लकडाउन नभनिने स्पष्ट पाुर्नभयो । उहाँले बढ्दै गएको संक्रमणको संख्याले लकडाउनमा खेलाँची गर्न नहुने प्रष्ट पारेको जिकिर गर्नुभयो ।
प्रतिक्रिया