काठमाडौ । सरकारको आगामी आथिर्क वर्षको वार्षिक नीति तथा कार्यक्रम जेठ २ गते पेस हुने भएको छ।
मंगलबार प्रधानमन्त्री निवास बालुवाटारमा बसेको मन्त्रिपरिषद् बैठकले नीति तथा कार्यक्रम पेसबारे राष्ट्रपतिलाई जानकारी दिने निर्णय गरेको छ।
जेठ २ गते अपरान्ह ४ बजे नीति तथा कार्यक्रम पेस हुनेछ । सरकारको नीति तथा कार्यक्रम राष्ट्रपति विद्यादेवी भण्डारीले वाचन गर्नुहुनेछ ।
अहिले संसद्मा प्रिबजेट छलफल चलिरहेको छ। वैशाख ३१ गतेसम्म प्रिबजेट छलफल गर्ने संसदको कार्यसूचि रहेको छ ।
नीति तथा कार्यक्रम पेसपछि जेठ १५ गते वार्षिक बजेट पेस हुनेछ।
प्रतिक्रिया