काठमाडौं । बुधबार थप दुई जना कोरोना संक्रमित थपिएका छन् ।
काभ्रेको धुलिखेल अस्पतालमा रहेको कोरोना ल्याबमा परीक्षण गर्दा बाँकेको नेपालगन्ज वडा नं. ८ का ३६ वर्षीय युवकमा कोराना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
संक्रमित युवाको अवस्था सामान्य रहेको मन्त्रालयले जनाएको छ ।
यस्तै, कपिलवस्तु नगरपालिका ५ निवासी २२ वर्षीय युवामा पनि कोरोना संक्रमण देखिएको मन्त्रालयले जारी गरेको विज्ञप्तीमा जनाइएको छ । काठमाडौंको टेकु स्थित राष्ट्रिय जनस्वास्थ्य प्रयोगशमालामा गरिएको परीक्षणमा कपिलवस्तुका युवामा कोरोना पुष्टि भएको थियो ।
यससँगै नेपालमा कोरोना संक्रमितको संख्या २१९ पुगेको छ ।
प्रतिक्रिया