काठमाडौं । बिहीबार बिहानै कोरोना भाइरसका सात जना संक्रमित थपिएका छन् ।
स्वास्थ्य तथा जनसंख्या मन्त्रालयले बिहानै २ जना थपिएको तथ्यांक सार्वजनिक गरेको २ घण्टा नपुग्दै थप ५ जना कोरना संक्रमित थपिएको जनाएको छ ।
राष्ट्रिय जनस्वास्थ्य प्रयोगशाला, काठमाडौंमा गरिएको परीक्षणमा सर्लाही, धनुषा र महोत्तरीका ५ जना व्यक्तिमा संक्रमण रहेको मन्त्रालयले जारी गरेको विज्ञप्तिमा जनाइएको छ । मन्त्रालयले सार्वजानिक गरेको पछिल्लो तथ्यांक अनुसार सर्लाही धम्कौलीका १ जना धनुषामा २ जना र महोत्तरीमा २ जना संक्रमित थपिएकाछन् ।
५ जना थपिएसंगै नेपालमा संक्रमितको संख्या २५० पुगेको छ ।
प्रतिक्रिया