काठमाडौं । काठमाडौं उपत्यकामा रहेका अत्यावश्यक सेवा बाहेकका सरकारी कार्यालय १५ दिन बिदा गर्न सिफारिस गरिएको छ ।
उपत्यकाभित्रका तीनवटै जिल्ला प्रशासन कार्यालयको बिहीबार बसेको संयुक्त बैठकले अत्यावश्यक सेवाबाहेक सबै सरकारी कार्यालय १५ दिन बन्द गर्ने निर्णय गरेको हो ।
कोरोना भाइरसको संक्रमणको जोखिम झन बढेको भन्दै बैठकले सबै सरकारी कार्यालय बन्द गर्न कोरोना भइरस रोकथाम उच्चस्तरीय समन्वय समिति र क्राइसिस म्यानेजमेन्ट सेन्टर (सीसीएमसी)लाई अनुमोदनका लागि पठाएको छ
यो निर्णय जेठ ५ गतेदेखि लागू गर्न सुझाव दिइएको छ । गत वैशाख २८ गतेबाट लागू गरिएको सरकारी कार्यालय एवं निर्माण सामाग्री ढुवानीलगायतमा लागू गरिएको सवारी ‘टाइमकार्ड’ पनि रद्द गर्ने निर्णय भएको छ ।
यो निर्णय अनुमोदन भए सुरक्षा निकाय, स्वास्थ्य, विद्युत्, दूरसञ्चार, खानेपानी, दैनिक उपभोग्य बस्तु बिक्री तथा ढुवानीसँग सम्बन्धित कार्यालय मात्रै सञ्चालन हुनेछन् ।
प्रतिक्रिया