काठमाडौं । दाङ तुलसीपुर ठेगाना भएका कोरोना संक्रमित व्यक्ति काठमाडौंको एक अस्पतालमा कार्यरत स्वास्थ्यकर्मी रहेको खुलेको छ।
तुलसीपुर वडा नम्बर ७ घर भएका ती व्यक्ति हाल काठमाडौंकै एक अस्पतालमा कार्यरत तुलसीपुर उपहानगरपालिका प्रमुख घनश्याम पाण्डेले जानकारी दिनुभएको छ ।
तुलसीपुर उपमहानगरपालिकाको आधिकारिक फेसबुक पेजमा नगरप्रमुख पाण्डेले लेख्नुभएको छ, ‘तुलसीपुर उपमहानगरपालिका वडा नम्बर ७ का कारोना देखिएका भनिएका व्यक्ति काठमाडौंको एक हस्पिटलमा कार्यरत र काठमाडौंमै रहेको जानकारी गराइन्छ।’
मेयर पाण्डेले ती व्यक्तिलाई काठमाडौंकै गणना गर्नुपर्ने बताउनुभएको छ ।
स्वास्थ्य मन्त्रालयले शुक्रबार राति निकालेको सूचनामा दाङको तुलसीपुर उपमहानगरपालिका–७ मा एक जना र गढवा गाउँपालिका वडा नम्बर ४ र ५ मा दुई जना व्यक्तिलाई कोरोना संक्रमण पुष्टि भएको जनाएको थियो ।
प्रतिक्रिया