बुटवल । कोरोना भाइरसको संक्रमणका कारण यो समाचार लेख्दा सम्म नेपालमा कसैको मृत्यु भएको छैन । तर सम्भाब्य मृत्युलाई मध्यनजर राख्दै सरकारले कोरोना भाइरसका कारण मृत्यु भएको शवको दाहसंस्कारको कार्यबिधि सार्वजनिक गरेको छ ।
सार्वजनिक गरेको कार्यबिधि अनुसार अस्पतालले गर्नु पर्ने बिधि र दाहसंस्कार स्थलसम्म लैजांदा अपनाउने पर्ने बिधिहरु उल्लेख गरिएको छ । सरकारले जारी गरेको कार्यबिधि अनुसार शवलाई चाँडो भन्दा चाँडो अन्तिम संस्कार गर्ने स्थलमा पुर्याउनुपर्दछ र शव लिन जानु पूर्व शववाहनका चालक तथा कर्मचारीहरुले पीपीईको प्रयोग गर्नुपर्दछ ।
त्यसका साथै शवलाई अस्पताल वा घरबाट अन्तिम संस्कार गर्न लैजाने क्रममा अस्पतालका कर्मचारी, एम्बुलेन्सका कर्मचारी, सदगत गर्ने व्यक्तिहरु र सदगतमा सहभागी हुने मृतकका आफन्तजनले पञ्जा, चस्मा, टोपी, मास्क सहितको पीपीईको प्रयोग गर्नुपर्दछ ।
शवलाई कम भन्दा कम व्यक्तिले मात्रै छुने र शवमा लागेका पाइप, केथेटर लगायतका सामग्रीहरु हटाई दिनुपर्दछ । शवको कुनै भागबाट श्राव भइरहेको भए त्यस भागलाई होसियारीपूर्वक बन्द गरेर सुरक्षित हुनुपर्छ ।
कार्यविधिमा उल्लेख गरिए अनुसार शव अन्तिम संस्कार गर्ने स्थलतर्फ लैजान साधारण शववाहनको प्रयोग गर्न सकिनेछ । त्यसैगरी मृतकको आफन्तले शव हेर्न चाहेमा शवलाई नछोइकन कम्तिमा एक मिटर टाढाबाट पालैपालो एक एकजनाले शव हेर्न सक्नेछन् ।
कार्यबिधिको पुर्ण पाठ :
[pdf-embedder url=”http://3.0.214.97/wp-content/uploads/2020/05/April-8-2020-DEAD-BODY-Management-Protocol.pdf” title=”April 8 2020 DEAD BODY Management Protocol”]
प्रतिक्रिया