काठमाडौं । बाँकेको नरैनापुरमा अर्का एक जनाको कोरोना संक्रमणबाट मृत्यु भएको छ ।
स्थानीय दिपेन्द्र मावि भोजभगवानपुरमा रहेको क्वारेन्टाइनमा रहेका एक युवकको आइतबार बिहान मृत्यु भएको हो ।
क्वारेन्टाइनमा रहेका युवक बैशाख ३० गते नेपाल आएका थिए ।
गएराति स्वास्थ्यमा समस्या देखिएपछि उपचारकै क्रममा आइतबार बिहान ६ः३० बजे उनको मृत्यु भएको थियो । उनको स्वाव परीक्षण गर्दा कोरोना पोजेटिभ देखिएको स्वास्थ्य तथा जनसंख्या मन्त्रालयले जनाएको छ ।
शुक्रबार नरैनापुरका ८ जनामा कोरोना पुष्टी भएपछि शनिबार मात्रै त्यहाँका २ सय ६३ जनाको स्वाब संकलन गरेर परीक्षणको लागि नेपालगञ्ज ल्याइएको थियो ।
अहिले मृत्यु भएका युवाको शव अहिलेसम्म पनि क्वारेन्टाइनस्थलमै रहेको छ ।
नेपाली सेनाले अब शवको व्यवस्थापन गर्नेछ ।
प्रतिक्रिया