काठमाडौं । सरकारले धुलिखेल अस्पतामा कोरोना भाइरसका कारण मृत्यु भएकी सिन्धुपाल्चोककी महिलाको सम्पर्कमा आएका सबैको स्वास्थ्य परीक्षण हुनेभएको छ ।
काठमाडौंको टोखा ९ मा बसोबास गर्ने त महिलाको मृत्यु भएपछि गोंगबु माछापोखरी क्षेत्रमा कोरोना परीक्षण सुरु भएको स्वास्थ्य तथा जनसंख्या मन्त्रालयले जनाएको छ ।
गोंगबु माछापोखरी क्षेत्रमा १५० जनाको पीसीआर परीक्षण र २५० जनाको आरडीटी परीक्षण आइतबारबाट सुरु भएको मन्त्रालयका प्रवक्ता डा. दिपक अधिकारीले जानकारी दिनुभयो ।
यसैगरी त्रिवि शिक्षण अस्पतालमा रहेको कम्युनिटी मेडिसिन युनिट, धुलिखेल अस्पताल र जिल्ला जनस्वास्थ्य कार्यालय सिन्धुपाल्चोकबाट संक्रमणबाट मृत्यु भएकी महिलासँग सम्बन्ध भएका सबैको खोजी सुरु भएको डा. देवकोटाले बताउनुभयो ।
प्रतिक्रिया