काठमाडौं । प्रधानमन्त्री केपी शर्मा ओलीले मंगलबार सांसदहरुले उठाएका विभिन्न प्रश्नको जवाफ दिनुहुनेभएको छ ।
आगामी आर्थिक वर्षका लागि सरकारले ल्याएको नीति तथा कार्यक्रममाथि सांसदहरुले उठाएका प्रश्नहरुको प्रधानमन्त्री केपी शर्मा ओलीले जवाफ दिने कार्यक्रम रहेको छ ।
मध्यान्न १२ बजे बस्ने बैठकमा सासंदहरुले उठाएका प्रश्नको जवाफ दिने कार्यसूचि रहेको संसद सचिवालयले जनाएको छ ।
सरकारको नीति तथा कार्यक्रममा प्रतिपक्षी दलले ७ वटा संसोधन राखेका छन् ।
यस्तै, सत्तारुढ पार्टीकै कतिपय सांसदहरुले सरकारले चोरबाटोबाट विवादास्पद एमसीसीसम्बन्धी कार्यक्रमलाई नीति तथा कार्यक्रममा छिराएको भन्दै आलोचना गरेका छन् ।
प्रधानमन्त्री ओलीले सबैको जवाफ दिनुहुने बताइएको छ ।
प्रधानमन्त्रीले जवाफ दिएपछि आर्थिक वर्ष २०७७/७८ को लागि सरकारको वार्षिक नीति तथा कार्यक्रममाथि प्राप्त संशोधनहरुलाई निर्णयार्थ प्रस्तुत गरिने कार्यसूची रहेको छ ।
यस्तै कानून न्याय तथा संसदीय मामिला मन्त्री शिवमाया तुम्बाहाङ्फेले केही अध्यादेश खारेज गरी नेपाल ऐनको साविकको व्यवस्था जगाउने अध्यादेश २०७७ लाई स्वीकृत गरियोस भनि प्रस्ताव प्रस्तुत गर्ने अर्को कार्यसुची रहेको छ ।
प्रतिक्रिया