काठमाडौं । सरकारको आगामी आर्थिक वर्षको नीति तथा कार्यक्रम पारित भएको छ ।
राष्ट्रपति विद्यादेवी भण्डारीले जेठ २ गते संघीय संसदको संयुक्त बैठकमा प्रस्तुत गरेको नीति तथा कार्यक्रम मंगलबारको संसद बैठकले बहुमतले पारित गरेको हो ।
नीति तथा कार्यक्रम पारित अघि सांसदहरुबीच छलफल भएको थियो । छलफलमा उठेको प्रश्नबारे आजै प्रधानमन्त्री केपी शर्मा ओलीले जवाफ दिनुभएको छ ।
प्रधानमन्त्रीको जवाफ लगत्तै सभामुख अग्निप्रसाद सापकोटाले निर्णयार्थ प्रस्तुत गर्नुभएको थियो । त्यसपछि सभामुखले नीति तथा कार्यक्रम बहुमतले पारित भएको घोषणा गर्नुभयो ।
नीति तथा कार्यक्रम पारित भएपछि संसद बैठक जेठ १३ गतेसम्म स्थगित गरिएको छ ।
प्रतिक्रिया