कोरोना संक्रमणको पारो दिनदिनै बढ्दै, बिहानै थपिए ३० जना संक्रमित

काठमाडौं । शुक्रबार बिहानै ३० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयले गरेको पछिल्लो अद्यावधिक विवरण अनुसार कपिलवस्तु बाणगंगा नगरपालिका र मायादेवी गाउँपालिकाका एक ८ वर्षीया बालिकासहित ९ जना पुरुष, सर्लाही गोडैता नगरपालिका र रामनगर बहुअर्वा गाउँपालिकाका एक महिला सहित १४ जना पुरुष रहेका छ्न ।

यस्तै, चितवनको भरतपुर महानगरपालिका केसरबाघका ७४ वर्षीय पुरुष र ७३ वर्षीय महिला, नवलपरासी सुस्ता गाउँपालिका र रामग्राम नगरपालिकाका दुई जना पुरुष र एक १५ वर्षीय किशोरी रहेको मन्त्रालयले जनाएको छ ।

यस्तै, नवलपरारीको विनय त्रिवेणी गाउँपालिकाका एक जनालाई पनि कोरोना संक्रमण पुष्टि भएको मन्त्रालयले जनाएको छ । संक्रमित मध्ये अधिकांश युवा छन्।

यससँगै नेपालमा कोरोना भाइरसबाट संक्रमित हुनेको संख्या ४८७ पुगेको छ ।