काठमाडौं । स्वास्थ्य तथा जनसंख्या मन्त्रालयको नियमित सम्पर्कमा रहेका चिकित्सकलाई कोरोना भाइरस पोजेटिभ देखिएपछि विभागीय मन्त्री र सचिवससहित सबै कर्मचारीको कोरोना पारीक्षण हुने भएको छ ।
नियमित रुपमा मन्त्रालय आउजाउ गर्ने इपिडिमियोलोजी तथा रोग नियन्त्रण महाशाखाका चिकित्सकलाई कोरोना पोजेटिभ देखिएको थियो । संक्रमित चिकित्सक कन्ट्याक्ट ट्रेसिङको लागि कपिलवस्तु गएका थिए ।
ति चिकित्सक रिपोर्ट आउनु अघिल्लो दिन मन्त्रालयको हेल्थ इमर्जेन्सीको बैठकमा उपस्थित भएका थिए । सो बेठकमा उपस्थित मन्त्रीसहित सबैको स्वाव लिएर पीसीआर विधिबाट कोरोना परीक्षण गर्न लागिएको हो ।
अब मन्त्रालय आउजाउ गर्ने सबै कर्मचारीको परीक्षण गर्ने तयारी गरिएको छ ।
प्रतिक्रिया