१६ माघ २०७९, सोमबार | January 30, 2023

ईद उल फित्रमा नेताहरुको शुभकामनाको ओईरो



बुटवल । ईद उल फित्रको अवसरमा राष्ट्रपति, उपराष्ट्रपति, प्रधानमन्त्री, सभामुख, सत्तारुढ नेपाल कम्युनिष्ट पार्टी नेकपाका अध्यक्ष प्रचण्ड तथा बिपक्षिदल एवं नेपाली कांग्रेसका सभापति शेरबहादुर देउवाले छुट्टाछुट्टै बिज्ञप्ति मार्फत शुभकामना दिनुभएको छ । उहांहरुले शान्ति, सदभाव र भातृत्व कायम गर्न ईद पर्वले अझै उत्साह प्रदान गरोस् भन्दै बिश्वभरी रहनुभएका नेपाली ईस्लामहरुलाई शुभकामना दिनु भएको छ ।

नेपाल कम्युनिष्ट पार्टी [नेकपा]का अध्यक्ष आफ्नो शुभकामना सन्देशमा नेपाल बहुजातीय, बहुभाषिक, बहुसांस्कृतिक तथा बहुधार्मिक मुलुक भएको उल्लेख गर्दै विविधताभित्रको एकता नै हाम्रो मौलिक विशेषता र पहिचान भएको बताउनुभएको छ ।

उहाँले बहुधर्म र संस्कृतिले नै हाम्रो समाजलाई पारस्पारिक सम्मान, सहिष्णुता र सद्भावसहित अगाडि बढ्न अभिप्रेरित गर्ने बताउनुभएको छ । सबै जातीय, धार्मिक र वर्गीय समुदायमा कोभिड–१९ ले समानरुपले आक्रमण गरिरहेकाले यस महामारीविरुद्धको सङ्घर्षमा एकताबद्ध प्रतिरोधका लागि सबैमा आग्रह गर्दै अध्यक्ष प्रचण्डले भन्नुभएको छ, ‘‘इदुल फित्र चाडका अवसरमा मुस्लिम समुदायमा सु–स्वास्थ्य र उत्तरोत्तर प्रगतिको कामनासहित शुभकामना व्यक्त गर्दछु ।’’

त्यस्तै नेपाली कांग्रेसका सभापति शेरबहादुर देउवाले शुभकामना सन्देशमा पवित्र इद उल फित्र पर्वले मुलुकमा शान्ति, सद्भाव र समृद्धि ल्याउन सबैलाई प्रेरणा दिने विश्वास व्यक्त गर्नुभएको छ । लोकतन्त्रको स्थापना र पुनःस्थापनाका लागि विगतमा भएका हरेक लोकतान्त्रिक आन्दोलनमा इस्लाम धर्मावलम्बीको महत्वपूर्ण योगदान रहँदै आएको बताउँदै पूर्वप्रधानमन्त्री देउवाले लोकतन्त्रको रक्षार्थ मुस्लिम दिदीबहिनी तथा दाजुभाइ अझ बढी जिम्मेवार हुने उल्लेख गर्नुभएको छ ।

कोरोना भाइरसको जोखिमलाई दृष्टिगत गर्दै भौतिक दूरीलाई कायम राखी पारस्परिक एकता, विश्वास र प्रेमका साथ पर्व मनाउन उहाँले सबैलाई आग्रह गर्नुभएको छ ।

त्यसैगरि उपराष्ट्रपति नन्दबहादुर पुन, सभामुख अग्नी प्रसाद सापकोटा लगायतले ईद पर्वले आपसी सदभाव र भातृत्वलाई अझै बलियो बनाउने बिश्वास ब्यक्त गर्नुभएको छ ।

एक महिने ब्रत रमजानका बेला समुदायले वर्षभरी गरेको आम्दानीलाई हिसाव गरि त्यसको २ दशमलव ५ प्रतिशत गरिव र असहायलाई बांड्ने गर्दछन् त्यसलाई समुदायले जकात भन्दछन् । जकातबाटै निश्चित रकम छुट्याएर ईदको दिन फित्र दान गरेपछि ईदगाहामा नमाज पढेर ईद पर्व मनाउने गरिन्छ । ईदमा गच्छे अनुसार बिभिन्न परिकारहरु बनाई छरछिमेक, इष्टमित्रलाई बोलाई इदी खुवाउने चलन समेत रहेको छ ।

तर यसवर्ष कोरोना कहरका कारण इस्लामहरुले न त ब्रतमा मस्जिदमा गएर नामज पढे न तराबी । आज पनि ईदगाहा मस्जिदमा नगई घरघरमै नमाज पढेर पर्व मनाउन धर्मगुरुहरुले आह्वान गरेकाछन् ।

प्रकाशित मिति : १२ जेष्ठ २०७७, सोमबार  ८ : २३ बजे

अन्तःशुल्क नतिरेका विदेशी मदिरा र सुर्तीजन्य पदार्थ बजारमा छ्यापछ्याप्ती

काठमाडौं । राजस्व छली गरेर अवैध रुपमा नेपाल भित्रिएका मदिरा

राष्ट्रिय बीमा संस्थान र बीमा कम्पनीको लेखा परीक्षण तीन महिनाभित्र सम्पन्न गर्न अर्थमन्त्रालयको निर्देशन

काठमाडौं । अर्थमन्त्रालयले तीन महिनाभित्र लेखा परीक्षण सम्पन्न गर्न राष्ट्रिय

माओवादी स्थायी समिति बैठक बुधबार, गृहमन्त्रीबारे छलफल हुने

काठमाडौं । नेकपा माओवादी केन्द्रको आगामी बुधबार बस्ने स्थायी समिति

मध्य जाडोमा पनि भएन न्यानो कपडाको व्यापार

काठमाडौं । यस पटकको जाडो सकिन लाग्यो, आधा माघ कटिसक्यो

अश्लील भिडियो बनाई महिलाको चरित्रहत्या गर्ने एकजना पक्राउ

काठमाडौं । सामाजिक सञ्जालको दुरुपयोग गरी चरित्रहत्या गरेको अभियोगमा दोलखा