काठमाडौं । नुवाकोटमा पहिलो पटक देखिएको कोरोना भाइरसका संक्रमित व्यक्ति नेकपाका स्थानीय नेता भएको खुलेको छ ।
ककनी गाउँपालिका ३ मा संक्रमण पुष्टि भएपछि ककनी क्षेत्र १० दिनका लागि सिल गरिएको छ ।
प्रदेश खानेपानी योजनाका सदस्य समेत रहेका उनी काठमाडौं बारम्बार ओहोरदोहोर गरिरहन्थ्ये । स्थानीय नेतामा कोरोना संक्रमण देखिएपछि उनको सम्पर्कमा धेरै जना आएको भन्दै गाउँपालिका बन्द गरिएको हो ।
गाउँपालिकाका अध्यक्ष मानबहादुर लामाले विज्ञप्ति जारी गरी ककनी वडा नम्बर ३ मा अब १० दिनका लागि हिँडडुल गर्न नपाइने, वडामा रहेका सबै सरकारी कार्यालयसमेत बन्द रहने, घरबाट समेत निस्कन नपाइने गरी प्रतिबन्ध लगाइएको जनाउनुभएको छ ।
संक्रमित व्यक्तिलाई आइतबार साँझै काठमाडौंस्थित टेकु अस्पतालमा ल्याइएको छ । परिवारका सदस्यहरुलाई भने होम क्वारेन्टाइनमा राखिएको छ ।
प्रतिक्रिया