कञ्चनपुर । कञ्चनपुरमा क्वारेन्टाइन व्यवस्थापनमा खटिएका एक जना वडाध्यक्षको मृत्यु भएको छ ।
कञ्चनपुरको कृष्णपुर नगरपालिका वडा नम्बर ७ का वडाध्यक्ष कल्लु रानाको मंगलबार राति मृत्यु भएको हो । वडा नम्बर ७ मा रहेको राष्ट्रिय माविमा क्वारेन्टाइन व्यवस्थापनमा जुटेका बेला एक्कासी बेहोस भएपछि रानाकाे घटनास्थलमै मृत्यु भएको कृष्णपुर नगरपालिकाका मेयर कर्ण हमालले जानकारी दिनुभयो ।
उहाँको हृदयघातका कारण मृत्यु भएको हुनसक्ने अनुमान गरिएको छ । रानाको शव अहिले सेती प्रादेशिक अस्पताल धनगढीमा राखिएको छ ।
मृतकको कोरोना परीक्षण समेत गरिने नगर प्रमुख हमालले बताउनुभयो ।
प्रतिक्रिया