धनगढी । सेती प्रादेशिक अस्पतालको आइसोलेसन वार्डमा भर्ना गरिएका एक जना कोरोना आशंकित बिरामीको मृत्यु भएको छ ।
कोरोना भाइरस संक्रमणको आशंकामा अस्पतालमा भर्ना भएका कैलाली गौरीगंगा नगरपालिका ७ का ५५ वर्षीय पुरुषको मृत्यु भएको प्रादेशिक अस्पतालले जनाएको छ । उनको कोरोना परीक्षण रिपोर्ट आउन बाँकी रहेको छ ।
भारतको महाराष्ट्रबाट फर्केका उनलाई हिजो मंगलबार बेलुकी प्रादेशिक अस्पतालको आइसोलेसनमा भर्ना गरिएको थियो।
‘कोरोनासंग मिल्दोजिल्दो लक्षण देखिएपछि आइसोलेसनमा भर्ना गरिएको थियो, तर भर्ना गर्ने बेला मृगी जस्तो कम्पन आउने, फिज फाल्ने समस्या पनि देखिएको थियो । मृतको पीसीआर परीक्षणको रिपोर्ट आजै बेलुका सम्म आउने बताइएको छ ।
सेती प्रादेशिक अस्पतालको आइसोलेसनमा बैतडीका चार र अछामका दुई जना गरी छ जना संक्रमितको उपचार जारी छ।
सुदूरपश्चिममा कोरोना संक्रमितको संख्या १७ पुगेको छ।
प्रतिक्रिया