काठमाडौं । कोरोना भाइरसका संक्रमित दिनदिनै बढिरहेका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २८८ संक्रमित बढेका छन् । जसमध्ये २७० जना पुरुष र १८ जना महिला रहेका छन् ।
स्वास्थ्य मन्त्रालयका प्रवक्ता डा. विकास देवकोटाका अनुसार धुलिखेल अस्पतालमा रौतहटका ३८ जनामा कोरोना संक्रमण पुष्टि भएको छ ।
यस्तै, पोखरास्थित गगण्डकी स्वास्थ्य विज्ञान प्रतिष्ठानमा पर्वत र स्याङ्जाका १० जनामा संक्रमण पुष्टि भएको छ । यस्तै, धरानस्थित वीपी कोइराला स्वास्थ्य विज्ञान प्रतिष्ठानमा गरिएको परीक्षणमा सप्तरीका १ जनामा कोरोना पोजेटिभ देखिएको छ ।
भेरी अस्पताको प्रयोगशालामा गरिएको परीक्षणमा बर्दिया र बाँकेका २० जना, सुर्खेतमा गरिएको परीक्षणमा सुर्खेत, दैलेख, सल्यान र अछामका ६४ जनामा संक्रमण पुष्टि भएकोछ ।
यस्तै, हेटौंडामा गरिएको परीक्षणमा बारका १ जनामा संक्रमण देखिएको छ भने राप्त स्वास्थ्य विज्ञान प्रतिष्ठानको प्रयोगशालामा गरिएको परीक्षणमा दाङकै १७ जनामा संक्रमण देखिएको छ ।
यस्तै, सेती अञ्चल अस्पतालमा गरिएको परीक्षणमा कञ्चनपुर र कैलालीका १८ जनामा संक्रमण देखिएको छ ।
सबैभन्दा धेरै काठमाडौंको टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा ११८ जनामा संक्रमण देखिएको छ । संक्रमितहरु धनुषा, महोत्तरी, रौतहट, सर्लाही, सिराहा, भक्तपुर, धादिङ, कपिलवस्तु, काठमाडौं मडिकल कलेजका स्वास्थ्यकर्मी, नवलपरासी पूर्व, नवलपरासी पश्चिम, नुवाकोट र रुपन्देहीका रहेका छन् ।
हालसम्म देशभर २ हजार ९९ जना पुगेका छन् । जसमध्ये १ हजार ९४९ पुरुष र १५० जना महिला रहेका छन् ।
प्रतिक्रिया