कोरोनाबाट बेलायतमा ६७ नेपालीको निधन, मृत्यु हुनेमा ५६ जना भूतपूर्व गोरखा सैनिक

लण्डन । कोरोना भाइरसको कारण नेपाल भित्रमात्र होईन विदेशमा पनि नेपालीहरुको मृत्यु भएको खबर आईरहेकाछन् ।

तुलनात्मकरुपमा नेपालमा कोरोनाका कारण मृत्युहुनेको अनुपात कम भएपनि बिदेशमा रहेका नेपालीहरु संक्रमणकै कारण मृत्यु भएको छ ।नेपालमा मृत्यु भएका ८ जनामा सबै मृत्यु भईसकेपछि कोरोना पुष्टी भएपनि बेलायतमा भने कोरोना कै कारण सिकिस्त भएर नेपालीको मृत्यु भएको बताईएको छ ।

बेलायतमा कोरोना भाइरसको संक्रमणबाट ६७ जनाले ज्यान गुमाएका छन् । मंगलबार थप २ जनाको मृत्यु भएपछि बेलायतमा ज्यान गुमाउने नेपालीको संख्या ६७ पुगेको हो ।

मंगलवार थप २ जनाको निधन भएको जानकारी लण्डनस्थित नेपाली दुतावासले दिएको हो ।दुताबासका अनुसार, कोरोना संक्रमणबाट निधन हुनेहरुमा ५६ जना पुरुष र ११ जना महिला छन् ।

बेलायमा मृत्यु हुनेहरुमा ५६ जना गोरखा भूतपूर्व सैनिक तथा उनीहरुको परिवारका सदस्य रहेका छन् ।