बुटवल । प्रदेश पाँचका उद्योग पर्यटन वन तथा बाताबरण मन्त्री लिला गिरीले विश्व वातावरण दिवसको अवसरमा शुक्रबार मन्त्रालय परिसरमा वृक्षारोपण गर्नुभएको छ ।
मन्त्रालय परिसर भित्र आँप, लिचि, कटहर लगायतका फलफुलका बिरुवा रोपिएको हो । वृक्षारोपण कार्यक्रममा बोल्दै मन्त्री गिरीले प्रदेश सरकारले वन जंगल र खाली रहेको ठाउँको संरक्षण गर्दै वृक्षारोपण गरेर बातावरणलाई थप सुन्दर बनाउन सबैलाई आग्रह गर्नुभएको छ ।
बिरूवा रोपेर मात्रै नहुने भएकाले रोपिएका बिरूवाको संरक्षणमा समेत विशेष ध्यान दिन आग्रह गर्नुभएको थियो । दिवसमा मात्रै नभएर सबैले आफ्नो घर वरपर वृक्षारोपण गरी वातावरणलाई थप सुन्दर बनाउन आग्रह गर्नुभएको थियो ।
मन्त्रालयका वातावरण अधिकृत निर्मल चौधरीको संयोजकत्वमा सम्पन्न भएको कार्यक्रममा प्रदेशसभा सदस्य दिनेश पन्थी, मन्त्रालयका सचिव डा.राधा वाग्ले लगाएत उद्योग, पर्यटन, बन तथा वातावरण मन्त्रालयका कर्मचारीको उपस्थिति रहेको थियोे ।
प्रतिक्रिया