पोखरा । नवलपुरमा आज थप ४ जनामा कोरोना संक्रमण पुष्टि भएको छ ।
गण्डकी जनस्वास्थ्य निर्देशनालय प्रमुख बिनोद बिन्दु शर्माले संक्रमित पुष्टि गर्नुभयो । योसँगै नवलपुरमा संक्रमितको संख्या १७ पुगेको छ भने १ जना निको भएको तथ्याङ्क नवलपुरमा रहेको छ ।
नवलपुरको हुप्सेकोट वडा नम्वर २ का ४ जना पुरुषमा संक्रमण देखिएको खवर जिल्ला स्वास्थ्य कार्यालय नवलपुरलाई प्राप्त भएको छ ।
कार्यालय प्रमुख केशवप्रसाद चापागाईले दिनुभएको जानकारी अनुसार आज आईतवार संक्रमण देखिएका ४ जना नै बिभिन्न मितिमा भारतवाट आएर गाउँपालिकाले तयार पारेको क्वारेन्टाईनमा बसेकाहरु हुन् । संक्रमित २०, २५, ३५ र ४५ बर्ष उमेरका छन् ।
संक्रमितमध्ये १ जनालाई भरतपुरको आईशोलेन तथा ३ जनालाई प्राकृतिक चिकित्सालय रजहरको आईशोलेशनमा राख्ने ब्यवस्थामा कोरोना द्रुत प्रतिरक्षा टीम लागिसकेको छ ।
आज हुप्सेकोटका क्वारेन्टाईनमा बसेका स्थानीयमा संक्रमण देखिएसँगै यहाँका ८ पालिकामध्ये ५ बटा पालिकामा संक्रमित फेला परेका छन् ।
यहाँको देबचुलीमा ५ जना, बिनयी-त्रिबेणीमा ५ जना, हुप्सेकोटमा ४ जना, कावासोतीमा २ जना र बुलिङटारमा १ जनामा गरी १७ जना संक्रमित पुष्टि भएका छन् । यीमध्ये नवलपुरकी एक महिला संक्रमणम’क्त भएकी छन् ।
प्रतिक्रिया