१५ माघ २०७९, आइतबार | January 30, 2023

कोरोना संक्रमितको शव ब्यवस्थापनमा प्रशासनलाई सकस, लाठी चार्ज गरेर मृतकको शव ब्यवस्थापन



पोखरा । नेपालमा कोरोना संक्रमितहरुलाई बांच्न भन्दा मर्न झन गारो हुने भएको छ । संक्रमणको कारण मृत्यु भएकाको शव दाहसंस्कार गर्ने स्थान नपाउंदा मृतकलाई अझै गारो हुने भएको हो ।

कोरोना भाइरसको संक्रमणबाट पोखरामा मृत्यु भएका स्याङ्जाका ६० वर्षीय पुरुषको शव व्यवस्थापन गर्न प्रशासनलाई निकै सास्ती ब्यहोर्नु परेको छ ।

शव ब्यवस्थापनका लागि लिएर गएको गाडीको बाटो छेक्न प्रदेश सांसद सहित स्थानीयबासीसँगै स्थानीय जनप्रतिनिधिआएपछि प्रहरीले लाठी चार्ज गरेर बाटो खुलाउनु परेको थियो ।

जेठ २२ गते सुनौली नाकाबाट नेपाल प्रवेश गरेका वालिङ नगरपालिकाका संक्रमितलाई २३ गते पश्चिमाञ्चल क्षेत्रीय अस्पताल, पोखरामा भर्ना गरिएको थियो । आइतबार मात्र उनमा कोरोना संक्रमण भएको पुष्टि भएको थियो । त्यस लगत्तै राति उपचारका क्रममा उनको मृत्यु भएको थियो ।

कोरोनाबाट मृत्यु भएकाको शव व्यवस्थापनसम्बन्धी कार्यविधि अनुसार घाट खोज्ने जिम्मा पोखरा महानगरपालिकाले पाए अनुसार नगरपालिकाले खोजेको घाटमा लैजाने त्र,ममा बाटोमा अवरोध पु¥याईएको थियो ।

महानगरले वडा नं ११ मणिपाल शिक्षण अस्पतालभन्दा केही तलको सेती नदीस्थित रिठ्ठे घाटमा संक्रमितको शव गाड्ने घाट छनौट गरेपनि स्थानीयले बिरोध गरेका थिए । पोखरा फूलबारीस्थित भगवती दल गणबाट खटिएका नेपाली सेनाले शव गाड्न खाल्डो खनेर शव गाडन ल्याउने क्रममा पोखरा महानगर वडा नम्बर ११ र २० का वासिन्दाले विरोध गरेका थिए । सेती किनारमा शव गाड्दा आफूहरुलाई जोखिम हुने उनीहरुको तर्क थियो ।

पोखरा महानगरको वडा नम्बर ११ का अध्यक्ष मोहन बास्तोला, वडा नम्बर २० का अध्यक्ष सिम गुरुङ, प्रदेश सांसद विन्दुकुमार थापा समेत शव लैजान अवरोध गर्ने गरि सडकमा उत्रिएका थिए ।

नेपाली सेनाको टोलीले शव लैजान खोज्दा स्थानीय वासिन्दाले पटकपटक अवरोध गरेपछि प्रहरीले लाठी चार्ज गर्नुपरेको थियो ।

विरोध गर्नेहरुले शव बोकेको गाडीको बाटो नै छेक्न आएपछि प्रहरीले लाठी चार्ज गर्नु परेको कास्की प्रहरीले जनाएको छ । प्रहरीको लाठीचार्जबाट वडाध्यक्ष बास्तोलासहित केही स्थानीय सामान्य घाइते भएका छन् ।

स्थानीको अवरोध र प्रहरीको बल प्रयोगका कारण मृतकका परिवारले परम्परा र दाहसंस्कार कार्यबिधि अनुसार शव राम्रोसंग हेर्न समेत पाएनन् ।

प्रकाशित मिति : २६ जेष्ठ २०७७, सोमबार  ९ : ५० बजे

पाल्पामा मोटरसाइकल दुर्घटना हुँदा १ जनाको मृत्यु

पाल्पा । पाल्पाको रामपुरमा मोटरसाइकल दुर्घटना हुँदा एकजनाको ज्यान गएको

भुतखोलामा डुबेर एकजनाको मृत्यु

बुटवल । सिद्धार्थ राजमार्ग अन्तर्गत पाल्पा तिनाउ गाँउपालिका २ भुतखोलामा

बाँकेमा श्रीमती र नाबालक छोरालाई जिउँदै जलाएर श्रीमान फरार, दुबैजना गम्भीर घाइते

नेपालगन्ज । बाँकेको कोहपलुरमा आफ्नै श्रीमानले श्रीमती र नाबालक छोरा

राजश्व अनुसन्धान विभागका शाखा अधिकृत गैरकानुनी आर्जनमा दोषी ठहर

काठमाडौं । राजश्व अनुसन्धान विभाग तत्कालीन शाखा अधिकृत रामजी रिजाल

डिसहोमको अध्यक्षमा सांसद देवी भट्टचन चयन

काठमाडौं । डिस मिडिया प्रालि (डिसहोम)को अध्यक्षमा देवीप्रसाद भट्टचन चयन