कैलाली । सरकारको लकडाउन जारी रहेकै बेला कैलालीको टिकापुरमा एकै रातमा १५ वर्ष मुनिका ३ जना किशोरीमाथि बलात्कार भएको छ ।
राति एक बजेको समयमा टीकापुर नगरपालिका–१ स्थित रानी कुलोको किनारमा तीन किशोरीमाथि जबर्जस्ती करणी भएको जिल्ला प्रहरी कार्यालय कैलालीले जनाएको छ ।
घटना भएको १ दिन पछि प्रहरीले बलात्कारको आरोपमा ४ जनालाई पक्राउ परेका छन् । कैलालीको टीकापुर नगरपालिकाका १९ बर्षीय डम्बर ठकुल्ला १८ बर्षीय सन्दिप ठकुल्ला, २१ बर्षीय दीपक बुढा, र २० बर्षीय दीपक ठकुल्लालाई पक्राउ गरिएको जिल्ला प्रहरी कार्यालय कैलालीका प्रहरी नायव उपरिक्षक प्रतिक विष्टले बताए ।
बलात्कार गरी फरार भएका चार जना पक्राउ गरिएको र अन्य फरार अभियुक्तहरुको खोजी कार्य भइरहेको डिएसपी विष्टले बताए ।
विष्टका अनुसार तीन किशोरीमा जवर्जस्ती करणी गरी फरार भएका चार जनालाई ईलाका प्रहरी कार्यालय टीकापुरबाट खटिईएको प्रहरी टोलीले पक्राउ गरेको हो ।पक्राउ परेकालाई जिल्ला अदालतबाट ७ दिनको म्यादथप गरी थप अनुसन्धान भईरहेको छ ।
प्रतिक्रिया